सरकार किसान के संग खड़े हे” — पेण्ड्री मंडी पहुंचिन प्रदेश प्रवक्ता रवि पांडेय
पेण्ड्री -किसान मोर्चा के प्रदेश प्रवक्ता रवि पांडेय आज पेण्ड्री कृषि उपज मंडी पहुंचिन, जिहां ओमन मंडी मं मौजूद किसान मन ले सरोत्तर बातचीत करिन अउ ओमन के हालचाल जानिन। ए बेरा म धान के बिकरी अउ समर्थन कीमत म भुगतान प्रक्रिया अउ मंडी मं उपलब्ध सुविधा के संबंध मं किसान मन ले जानकारी लिहिन। किसान मोर्चा के प्रदेश प्रवक्ता
रवि पांडेय कहिन के सरकार किसान के संग खड़े हे अउ किसान मन के हित बर लगातार काम करत हे। ओमन कहिन के मंडी व्यवस्था ला अउ मजबूत करे बर सरकार जरूरी कदम उठावत हे, जेखर कारन आने वाला बखत मं किसान मन ला अउ जियादा फाइदा मिलही।
मंडी म बुले के बारे रवि पांडेय मंडी प्रबंधन संग घलो चर्चा करिन अउ प्रबंधन मन ल चेताइन के किसान मन ला धान बेचे म कोनो प्रकार के दिक्कत नई होना चाही , एखर बर जरूरी निर्देश देइन। किसान मन घलो अपन समस्या खुल के रखिन, जेन ला जल्दी समाधान करे के भरोसा देइन।
ए बेरा म प्रबंधन के पदाधिकारी मन अउ स्थानीय किसान मन भारी संख्या मं मौजूद रहिन
